Enkatini oltim loolpayiani kituaak/ilang'eni le Maa

Ore kim'belekenya olosho le Maa anaa enagira enkop aibelekenya, eton ake kisuj olkuaak lang', nikiyanyit eng'eno nagut oolpayiani kituaak lolosho le Maa eiteru tooloo Mpatiany laa ninje lookakuiy lolosho le Maasinta.

Ore olosho le Maa, neeta nkirrishat enye erikore erikito Oltim loolpayiani kituaak tolosho le Kenya. Ore ele tim nerikito oltasat Kelele Ole Nchoe le Kaunti e Narok anaa enalioo tempisha tenkaina ekedianye eboitare kulie payiani kituaak le kulie lubot olosho le Maa ootii Kenya. Kijoki ishoritin ang' meisumata neibung' nerrip olkuaak le Maa olng'ejep lenkutuk ang'. Kijoki sii peerip olmanyara.

Ore erikore emaa neeta sii iloibonok oodol inaatii dukuya neliki olosho eutaa, neetay sii ilaiguanak loolporori too ishoritin pookin. Eetay ilmuran laa ninje jeshi anaa sikarini lolosho terishata oolarrabali. Epuo apa elelero murrano tereshata oolarin isiet ometabaiki tomon peetumi aishoo metaa ilpayiani nejing'u likay porror murrano kake etang'asa ainepu kulo oobayie meitoduaaiy toonkiaasin, neeta sii ninje ilaiguanak lenye Ore tenaishoiy naa ore murrano naa enkisuma , kintukuj naa lelero meisumata neibung' nerrip olkuaak le Maa.

Eiloong'ay kira Ilmaasay

Ore olosho le Maa tenkatini naa olkeju le Nile apa etusujutua neilepaki en'dikirr ejing'u olosho le Kenya oewuo aaku olosho lenye onkishu enye anaa enainosu loo kakuiy anaa iledukuya. Ore olosho le Maa naa ilaramatak loo nkishu/iswam, ntare/nkerra o nkineji aa ore en'daa enye naa nkiri, kule o sarge le kuna tokitin naaramat.

Ore apa too rishat oolkoloni netamanya ilkirisa ilchambai loolmaasay le Kenya kake neigerokino agiriment olarikok lolosho tolari le nkalusu nabo ontomoni naaudo oong'wan o tolari le nkalusu nabo ontomoni naaudo otomon oobo. Amu olosho apake ninye oota rikore enye.